عيسى الاحسائي وكلمات اغانيه

كلمات اغاني الفنان الراحل عيسى بن علي الاحسائي وهي من تأليف شاعر ربوع الجزيرة علي بن محمد القحطاني


((تمنيت أشوفك))
تمنيت أشوفك يوم نامت عيون الحي=وعذالنا نامواولآبواب مصكوكه
وجو البلد هادي والآشجار تقطر مي =عليها الندى وأغصانها الخضر مشبوكه
وتميت يم الباب في الليل رايح جي=معني لك الآقدام والروح مملوكه
أنا كيف أطيق الصبر والقلب ولع ضي=وعين المولع كن في حجرها شوكه
ترفق بحال اللي كواه المفارق كي=حبل الرجاء ممدود لاتقطع سلوكه
وزرع الهوى بين المحبين مشبوكه


(( دارت الارض ))

دارت الارضدارت الارض بي وحدي ثلاثين دوره=والعرب مادرواعني وأناألف وادور
بعد ماشفت زوله صارت الآرض كوره=والهدى صارفي عين الفتى كبر عصفور
نظرة العين خلتني بأقصى خطوره=واعرضوني على خمسةوسبعين دكتور
والحشا هدمت سوره وهدت جسوره=لانوىخيرفي لحظةيخليه معمور
يوم مرت علي قلت القمر في ظهوره=ماتغيركلام اهل الفضاء زور في زور
كنت من قبل افكر بالقمر كيف أزوره=هوسبقني وجا عندي زياره ومشكور
يوم مرت بوسط السوق فاحت عطوره=كن صندوق عطر لوشن بالسوق مكسور
بعد مشفت خطك واعجبتني سطوره=ومن جمالك قريت الخط كله على الفور
كل شعرك قوي لاشك تحتاج دوره=تجبر الشعر لالاالشعر بك صار مجبور
انت فنان والفنان مطلوب صوره=أي فنان مثلك نال شهره وجمهور


((ياناعسه))

ياناعسه ردي علي وارحميني=شوقي تعيس الحظ صابر وملهوف
جيتك واشوف الهم قدام عيني=وياويل قلب انهد من داخل الجوف
كنت احسب اني بقضبك بين ايديني=واثري بلياحب اعمى ولااشوف
الحبل مقضوب وربي يعيني=ياوالله اللي ماغداالسعي مخلوف
والله أحبك مير بينك وبيني=بيني وبينك لابغيت أقبل اصفوف
جودي علي بنظرة واسمعيني=لوني بعيد اسوق لك الدمع مظروف
كانك تبيني قولي انك تبيني=عشرة شرف يابنت لايطري الخوف
كانك رحلتي بالهوى سامحيني=يخطي طريق الحب مابيننا اظروف
بينت لك مابديت خافي كنيني=وأظن صار القصد واضح ومعروف



((قضيت العمر))
قضيت العمر كله با التمني =ويا حسرة على ما فات مني
ويللي طال هجرك وامتحني = كويت القلب كيه فوق كيه
وابطى الوقت واسهرت الليالي = ابوح بونتي وابكي لحالي
صفى لي من زماني ما صفالي = وباقي العمرلعيونك ضحيته تدور
تذكرقبل يوم انك تبينا =وتتعذرمن شانك تجينا
وذا لحينه ما كنا التقينا =تعبد كل واحد عن خويه
حشى لله لحظة ما نسيتك= ولا أرخصتك بك الغالي فديتك
ولا مني بعيني شفت بيتك =على الجدران رديت التحية
ولا منه بدا لي نجم لامع=تصورتك وهليت المدامع
واذا مني دعيتك ما انت سامع = يرد البيت صرخآ في عليه
انا مليت من باقي حياتي=خلاص الحق علي قبل المماتي
ترى حبك بصونه يا جزاتي =بسرعة قبل لاتجري المنية
ولا لك عذر بعد اليوم تبطي = حلاة الحب من ياخذ ويعطي
وسامحني لواني كنت مخطي = تراك اتعبتني روحه وجيه


((فوق بحر الهوى))
فوق بحر الهوى تجري مراكبنا=نقضي الليل كله فوق موجاته
نرضي احبابنا نوفي بواجبنا=من نقض عهدنا نقطع علاقاته
ما لنا غير خالقنا يحاسبنا=نبلغ اهدافنا والنفس مواته
با الصراحة نخاطب من يخاطبنا=لين يظهر لنا قصده وغاياته
الردي لا حشى ما هوبصاحبنا=حيث عاداتنا ما هي بعاداته
الوفى عند جاهلنا وشايبنا=راعي الطيب ما يحسب خساراته
نعرف اللي من الغيرة يحاربنا=لغلط حيلته والغيض قواته
انتهينا وصفينا تجاربنا=نعرف الهرج الى من جاء مجلاته
شعر : علي القحطاني/غناء الراحل عيسى الاحسائي

((يا علي جاني خبر))

يا علي جاني خبر صاحب غالي=عشرته يا خوي مانيب ناسيها
يحسبوني يا علي داله سالي=ما دروا عن حالي الهم طاويها
يا غزال البيد كنت احسبك خالي=لكن اتصبر وربك يسويها
والهوى ما يعرف الجد والخالي=والمحبة من يبيها يداريها
شاكيآ حالك وانا شكيا حالي=كل نفس عذبتها بلا ويها
اتركوا من شغله القيل والقال=جايب قصة وقصة يوديها
المحبة دايمآ مرها حالي=جربتها نفسي الله يعافيها
قل لخلك راعني يا هوى بالي=عشرة ايام مضت لاتخليها
الوفاء ما يظهر الا من التالي=هذي العشرة وهاذي معانيها
صورة المحبوب دايم ترواى لي=كل ليلة في حلا النوم أراعيها
زول خلي صار من بد الازوالي=قصة الحب الطويلة وما فيها


((على الخط المباشر))

على الخط المباشر كلم الدمام=وليف الروح طالبني على الهاتف
وقلت اشغلتني يامترف الآقدام=انا من يوم سافرتوا وأنا خايف
وقالت احنا بأرض العز والاكرام=ترى اكلمك من بيت أبونايف
قضينا عند عيسى حول خمس أيام=صباح الغد نتوجه على الطايف
على موتر بليزر عبوا القسام=تفقدنا معداته وهو واقف
كويتي يحمل الكيتي مع على الآرقام=على التمرين يارب السماء لاطف
ونجلس فيه للراحة والاستجمام=ومثلك بالسفر ياصاحبي عارف

((نهار قالوا موادع))

نهار قالوا موادع قلت انا وين اروح=عزاه يا عين تبكي بعد خلا نها
كنت احسب ان الكلام اللي تقوله امزوح=حتى عطتني دلايلها وعنوانها
وغرقتني دموعي والضماير تفوح=والروح شبت لهايبها ونيرانها
جيت المداوي وقال القلب كله اجروح=قلت اتركوني مريض الحب من شانها
كتمت سري عن الدكتور عييت ابوح=انا وحبي بذمتها..ووجدانها
والحب من عهد ابونا ادم ومن قبل نوح=ناس كثيرة لأجله تهجر اوطانها


((لو للغرام حاكم))

لوللغرام حاكم=
كنت اشتكي امري
وأقول الحبيب ظالم=
بكاني طول عمري
يبه وينه حكيك ذاك=
واعتابك يبه النا
ليش اطلعت بذال=
ما تسوى العتاب
يبه تعادينا ويا الناس=
حتى ويا اهلنا
ليش اطلعت بذال=
يبه ماتسوى العتاب

غناء الراحل عيسى الاحسائي

((اسهر معي))

اسهر معي والعمر رايح وخالي=واكتب من الشعر الفصيح الملقى
لا والذي في بحر حبك رماني=انوح با العلات وانوح واشقى
اللي على دربك مديم الزماني=عذبتني عساك تحيا وتبقى
يا عود ريحان غضي في الليالي=غضي بعوده في البساتين يسقى
سهم المحبة با المحبة رماني=يا قلبي اتصبر على ما تلقى
والله يا حلو النبا لو تراني=اجيب ما جبت على الغصن وارقى
حبك ملك روحي وحطم كياني=أيضاُ ولا زال يصعد ويرقى
شعر /علي القحطاني/غناء الراحل عيسى الاحسائي


((يالطبيب المداوي))

ياالطبيب المداوي مانفعني دواك
والدواء عند غيرك خابره ياطبيب
شفت فضلك ومعروفك على الله جزاك
طالب رخصتك لو كان جرحي عطيب
أه ياقلبي اللي ذاب في حب ذاك
فرقتنا الليالي من ردات النصيب
ياالله اني دخيلك ثم طالب رجاك
ياعظيم الرجا منهو يطلبك ما يخيب
تجمع الشمل يااللي مطلبنا سواك
حيث روحي وفكري عند ذاك الحبيب
ول ياقلب وين الله بحبك رماك
واحد من سبب فرقاه شيبت شيب


((يا دار))

يا دار وين احبابنا اليوم يا دار
يا دار وين الحب وين المحبين
يا دار كيف تحولت جنتك نار
وتغيرت الاحوال حين بعد حين
هنا لوقفات المها باقي اثار
هنا لعبنا با السواقي وبا الطين
هنا تبادلنا خفايات الاسرار
تقول لي تكفى وانا اقول تكفين
كانت تحاسبني على كل مشوار
كانت تقول انت النظر داخل العين
كانت تحذرني وتخشى من الجار
وتقول سر الحب يعلم به أثنين
بدا الهوى غرسه وصار الهوى اشجار
اثمر وذقنا جنة الخوخ والتين
ولا حسبنا ما تخفيه الاقدار
واللي جرى من قبلنا للملايين
اختل قصر الحب وانهد وانهار
وأصبح غباره طاير كنه طحين
يا دار ما عينت مثلك ولا دار
اللي ربابك صاحبي كامل لزين
لاجت هبوب الريح منهم بتذكار
اعوي عوي سرحان والناس ممسين
والا ذكرته شب في ضامري نار
أنا اشهد ان اهل المحبة مساكين
أسكب دموعي لأجلهم مثل الامطار
أبكي واسوي ما يسوي المجانين



((جتني تخبر))

جتني تخبر بيوم الانقطاع
اللي جرى حبها مجرى دمي
قلت الخبر قالت أمر الله مطاع
في حكم ربي وذاك الآدمي
كل ماجيت باقول الوداع
تموت كلمة وداع في فمي
قالت ترى الروح بعدك في نزاع
وربماكان عرسي ماتبي
هديتي والهديه ماتباع
احفظ لذكراي عندك خاتمي
أمانة الله سري لايذاع
وقلت للحزن لا تستسلمي
ياشمعتي في دجى الليل الضياع
انتي سبب علتي هل تعلمي
والله لو الكى فيه انتفاع
لهل حتى عيوني تنعمي



((ترجيته))

ترجيته عليه الله واكبر
ولا فاد الرجا واحترت حيره
تغير طبعه الاول تغير
نسي حبي وانا شبيت غيره
على ما جاك يا قلبي تصبر
وقل يا الله عسى با الامر خيره
حلف لي با الوفا لاشك قصر
عهود الغش مدتها قصيرة
أنا والله لوجاني وتعذر
فلا أقبل عذر من خاين عشيره
وباقي الحب عزالله تكدر
وخل الحلو يتريح ضميره
اذا جيته عسى رجلي تكسر
ولو قصدي الهوى عينت غيره
انا قادر على النسيان واقدر
على الاسفار من ديره لديره
ولا هو كفو نتعب له ونسهر
وهو مرتاح عند الله كبيرة
ألايا نعبوا ذا الحظ ألاقشر
عليهم حذني عيشه حقيرة
ألايا قلبي أصبر لا تحسر
خلاص انسى الصغيرة والكبيرة



((ياللي طرشت المندوب))

ياللي طرشت المندوب اقرا خطك با المقلوب
أخلص منا يا حبوب ترى حنا ملينا
ياللي في زينك مغتر فيه ازين منك واعبر
أوقالوا لك ما نقدر نجفي اللي يجفينا
الحب اللي حبيته والظلم اللي قاسيته
عن كل الناس اخفيته واللي جانا يكفينا
يلي حبيت الاثنين وانت ما عندك قلبين
ما تقدر ترضي شخصين ولا حكمك يرضينا
عبر في واحد تعبير والثاني خله اسبير
ترى الحب اصبح تقزير ولا ناره تكوينا
ما نلقي خل وافي كل خاين يا كافي
لوصور حبه صافي ترى قصده يغرينا
انا اللي جربت الناس الحب اصبح دوخة راس
نتسلى معهم لاباس عسى ربي يهدينا

شعر/علي القحطاني /غناء الراحل عيسى الاحسائي


((بعتنا با المال))

بعتنا با المال والدنيا بخير
يا ضعيف النفس حنا في غنى
نيتك شينه وأنا ناوي بخير
ما دريت ان الوسخ ما همنا
من غلاتك قلت ابحطك خشير
لين بانت غايتك يا عمنا
بعتنا وصدقت فينا هرج غير
روح عنا لاتقرب يمنا
كيف اصادق شخص ما عنده ضمير
روح لادمك يفسد دمنا
يوم هذي نيتك ما فيك خير
واعسى لاعاد يوم لمنا

((قالوا لي اصبر))

قالوا لي اصبر قلت أنا ماني بصابر
الا ان حصل لي يا عرب غاية مرادي
وان شفت غيره قلت مالي فيه خاطر
لو يجمعوا زين العرب من كل وادي
يا طير يا اللي صوبهم ذا اليوم طاير
قله تراني صمت عن شربي وزادي
أما يطفي واهج بين الظماير
ولا قطعنا الحبل يا ريم البوادي
اللي من الأوهام شيد لي عماير
ساهر طوال الليل وأعدل وسادي
وهو ينام الليل مدعوج النواظر
والله خطا منه علي يا الربع بادي

((يا ذا النسيم))

يا ذا النسيم اللي سرى تالي الليل
من وين ساري يا رسول المحبين
ما أرسلك راعي الرموش المضاليل
اللي مضى لي عنه أيام وسنين
باأسئلك انا با لله منشي المخايل
ما خان عهدي با الهوى داعج العين
خلا حياتي من فراقه غرابيل
وحدود نجد وقفت بيننا البين
اللي عليه العين هلت هماليل
وأتابع الونات والناس ممسين
يا قلبي اصبر والليالي مقابيل
وانا السفر ناويه من حد ذا الحين
أرسلت له عيت تفيد المراسيل
جسمي نحل والناس ما هم بدارين



((ياعين ياللي))
ياعين ياللي تحبين السهر
بس ارقدي والسهر مافيه خير
ويارجل لاتقربي درب الخطر
أتاكدي قبل تبدي بالمسير
واليوم لاعاد تاثق في بشر
لو يفرش الدرب قدامك حرير
واللي حلف لي وصدقته فجر
نسى عهوده وحول يم غير
اشلون اصدق من اعطاني خبر
ومادام أناماصفى ليه عشير
عن الجميع الحذر ثم الحذر
تغير الوقت بالله استجير
ياقلبي اصبر ومثلي من صبر
والوقت له يوم لازم يستدير



((ودعتني يا زين))
ودعتني يا زين من قبل فرقاك
من قبل ما ابكي دمعتك سابقتني
فريت وجهي يالغضي عنه راعاك
من قبل ما اخفي دمعتي غرقتني
شفت وجهي قلت سامع بما جاك
قالت ما جت هرجه وازعلتني
مالي صبر يا الغضي عقب فرقاك
فرقاك يا المجمول هي عذبتني
طلبت رب البيت علام الافلاك
يحفظك في حفظه مثل حفظتني
خليتك حبيب لي وحلو بممشاك
محبتك حلوه وفيك اعجبتني
لاجيت لك فز قلبي وحياك
ما ارتاح لى هرجتك طمنتني
ان كان ما تدري تراني اتمناك
ما تعود لي شوف عيني اسهرتني
والله يا المجمول لاحل طرياك
ابكي الليالي عزها وفرحتني
ارجي من المولى يعد لي للماك
ياللي هواكم في ضميري اشغلتني

شعر /علي القحطاني/غناء عيسى الاحسائي

تقبلو موضوعي هذا مع تمنياتي ان تستمتعوا مع هذه الابيات